Josua
24
14 Yipm eipm. Yipm kako yep Wulapm Weink yiki nio ankilel sit. Yapmonemp yapelel aiyipmel kako yentempil yer, et ko yipm yupul niokn ankilel. Nti manmakn aiyipmel kumpueik ar kitapm Mesopotemia antempel Isipel, nti ka ninkitepm nti muanumpuor yempoumpel irpm, aser keielel yipm korokn yupul sop. Yipm ko onto nisep yekei opmoumpel, nako yipm yep Wulapm Weink yiki nio ankilel sitel. 15 Aser yipm korokn na yep Wulapm Weinkel, et aiyapel mi yipm'a sopel? Yipm wonempwaiyimp aipopel na nikimp apm nuworpel yupulp mini yipm'a yepel, nio miniel yipm'a yekeiel? Ko yipm yupul sop yapmonemp antuol manmakn aiyipmelel na yep nti muanumpuor antuol Mesopotemiael? Oroknel, muanumpuor irpm kitapm keielel antuol Amorel ka yipm nkisel, et yipm ko yep nti tikikn? Yipm nek etetel. Aser apm ankil, apm ukua muaken ninkilapm apmelel, kakorokn. An kako yep Wulapm Weink nako yiki nio ankilel sitel.