Galesia
1
Apm nkark pupurur apulp yapmonemp yipm apulel. Niokn ka Krais apul na wonempapulp yipmel ka apulp na yipm'a yer sop ntitmuaken ankilelel. Aser karokn walil, yipm naimpil ninsep Wulapm Weink, yipm'a sop sank sepmel yatelel. Aser sank sepmel Wulapm Weinkel karokn mitimitink, karokn. Ka lekekn sit. Ka sank sepmel apulp aiyapel ka Krais na nkiompop anel. Epe nti omoule mpurel na nimpilemp sank sepmel Kraisel apulp na kuap yipm yapmonempel ka yipm na yer mpurompuroel. Nti omoule mini kona nikimp yipm sank sepmel karokn soplekekn sank sepmel Wulapm Weinkel kumpueik yipm eipmel, apm nak tupualimpil ar nio Wulapm Weinkel ko kil mpuroel yer yemp kuoretel ka yete arel. Yipm karokn wonempwaiyimp mini kako nikimp yipmel. Kona an ankil mi ensel ka nakimp yipmel, kako soplekekn. Ko kil yer yemp kuoretel yeteel. Keielel apm ko nimpil nek soplekekn. Kona ko omouleel nikimp yipm sank sepmel yatelel na karokn sop sank sepmel Kraisel kumpueik yipm nkampel, omoule kilelel kako mpuroel yopmoi yemp kuoretel yeteel.