1 Jon
1
Kona an nek sopeiye na, “Apm ka yapmonemp koretel karokn,” sopeielel ka an ninkai an ankil, an karokn nak etetel. Aser Wulapm Weink ka etetelel, kil kakorokn nkis an yapmonemp nilmpniumpuaipm. Aser kona an nek yokuorpel yupulp yapmonemp koretel lekekn lekekn ka an ar nkisel, et Wulapm Weink ko yupul nsop sank ka kil nakel. Kil ka omoule yapelip, kil ko yekei yapmonemp sepmel ankilel nkimer yapmonemp koretel antelel irpm kilelel. Et yapmonemp antelel kil ko asil eik ntinkiraiel yupulp yapmonemp koretel eikusuknel ko miniat etetelimp. 10 Et kona an nek na, “Apm karokn apul sop minamp koretel lekekn irpm,” kona an nek sopilelel, an ka nak na Wulapm Weink ka ninkaielel, sank ka kil nakimp anel karokn etetel. Et kakilpe sank Wulapm Weinkel karokn nkis yapmonemp nilmpniumpuaipm antelel.